特色蛋糕甜品班-第十課-蛋撻＆椰撻

好快已經上到第１０堂，亦即最後一堂，今日學嘅係蛋撻＆椰撻。

基本上撻皮係一樣，祗係餡料唔同，用室溫牛油加糖霜打至奶白色，加入蛋，再加筋粉，麵粉搓勻雪凍備用。

而蛋撻水就將奶，花奶，滾水溶糖，蛋攪勻，再過篩，椰撻餡將椰絲，麵粉，糖，泡打粉，牛油搓勻，臨入爐時，再將花奶加蛋加入撈勻放入撻皮中。

將撻皮由雪櫃攞出，切成粉團，壓入錫紙兜中，頂部搓成圍邊。

倒入９成滿蛋撻水或放入椰撻餡料。

放入焗爐焗至蛋水凝結，而椰撻則要焗到中途用另一焗盤庶面，令撻餡中間隆起爆口。

焗完出爐啦。

自己個份