臭豆蝦仁中嘅臭豆,其實祗係個名,好似蠶豆咁,扁身綠色,無乜味道,首先將馬拉盞切片,再切條焗香,同蒜頭,乾蔥,指天椒臼爛成蓉,番茄去皮,去粒切細塊.
蝦仁去殼,去腸,背部開一刀,用生粉,鹽醃一陣,抹乾水份,用蛋白,胡椒粉麻油略為醃一陣,放入雪櫝,抽乾水份.
將臭豆片用油略為爆香後鏟起備用.再爆香香料,加入蕃茄臭豆,水份煮一陣,最後加入蝦仁,調味料便完成.
臭豆食落無乜味,但有同學話覺得有苦味,我就覺得普通,自己就唔會煮囉.
至於椰香雜菜,包括有合掌瓜(切粗粒),青豆角(切條),珍珠荀(切粗粒),青/紅牛角椒切絲,蝦乾浸軟身.
將香料(石粟,乾蔥,黃薑,指天椒,蒜頭等)臼爛成蓉爆香,加入瓜菜,蝦乾,檸檬葉煮至菜淋身,再加入椰漿煮至滾,加入調味就完成嘞.
如果任揀一款菜式,我比較鍾意椰香雜菜.
沒有留言:
張貼留言