試浸醉雞

奄尖大少都幾鍾意食醉雞,咁就等我試吓整,滿足吓佢口腹啦.

首先買咗隻新鮮嘉美雞番嚟,斬開幾舊,洗淨索乾水,用鹽,酒醃一陣,然後用蔥墊碟底,將雞塊鋪係上面,再將薑片放係雞塊中間,蒸熟,立即將雞塊放入冰水中冷凍約15分鐘.

而浸醉雞料包括有香糟露,裡面已經有花彫酒,鹽,其他香料,為咗加強酒味,用埋詔興花彫酒,魚露等,混合後要加糖,加水開勻試味.

將冷卻嘅雞塊放入醉雞酒液內浸,要放入雪櫃浸咗一日,間中要翻吓佢,咁先會均勻入味.

食嘅時候由雪櫃攞出嚟斬件,但可惜....我唔食得,因為我對酒精敏感,我祗係試咗食一舊雞膶,同雞腳,唔夠2個鐘,手腕,肚臍附近起紅點,又痕又癢,要立刻搽止痕藥膏,所以奄尖大少一個人自己食哂加埋帶飯,我就無福消受,好彩佢都覺得味道唔錯.