環亞佳餚精選課程-第二課-青芒沙律&香蘭葉炸雞

今日上第二堂, Miss示範嘅菜式有青芒沙律&香蘭葉炸雞

首先講香蘭葉炸雞,將班蘭葉洗淨抹乾,雞脾起肉,去皮,切件,落調味醃至少30分鐘或以上,用葉包起,不過Miss教包方法都幾難包,可以用牙簽將收口拮好,用中火炸至葉變色後,再開猛火將油迫出.

而青芒沙律,要將酸/甜兩種芒果刨絲,甘荀拖水切絲,洋蔥切絲浸冰水,蝦米煮一陣再用攪拌機攪碎,乾蔥片切絲炸至金黃色撈起,將所有全部加調味料撈勻,再灑上花生碎同紅椒粒,金不換葉(切碎).

全部完成可以試食嘞,味道幾好唔錯.