衰咗嘅法包

因為之前買咗包法包預拌粉,差唔多過期,於是今日跟"日本名店名人秒方"一書食譜.

隔晚做定液種. 今朝將高筋粉,低筋粉,水,少許鹽加埋一齊,攪勻,如常發酵,排氣,但全部改用摺疊方式,減少排氣.

最後造型,將麵團做成長形,上,下兩邊向中間摺埋,重複摺疊6次,再搓成圓柱體.

最後發酵完,用剃刀界紋,將少許牛油放係邊上,灑上高筋粉.

焗爐預熱,下格用盤放入石春,同時加熱. 當麵包入爐時,立刻將水倒入石春內,製造蒸汽,而麵包面亦噴水,重複2-3次.

睇呀出爐個樣,好似唔差.

但...唉!基本上麵包無膨脹到,切開入面完全唔掂,原因可能係高筋粉問題,上次用已經覺無乜筋性,起唔到筋膜,今次都係,至於新鮮酵母是否已過期?亦有懷疑,結果就係將製成品掉落垃圾桶囉,因為可能預拌粉已落鹽,但又無說明,再落就變咗太鹹,啃唔落呀.