士都倫麵包

好快又臨近聖誕節,所以今日做咗呢款麵包應吓節,不過雜果皮粒,提子乾就要預早用Rum酒/拔蘭地酒浸定,我就浸咗有成10日.

除咗用酒浸雜果皮粒,提子乾外,仲有杏仁片,少量香粉(丁香,玉桂,豆寇粉)加埋發咗3個鐘嘅液體酵種,而麵粉係一半高筋,一半低筋粉.

呢兩舊係發好嘅麵團.

做型後準備作最後發酵.

焗好出爐,立即搽上溶牛油.

攤涼後灑上防潮糖霜.

切開試食覺得唔太甜,OK啦,但奄尖大少就唔like,因為佢唔鍾意食提子乾,香料麵包,聽講要隔1-2日食,等酒味發揮出嚟,味道會香啲喎.