楓蜜栗子方包

今日天氣轉冷又陰天,都唔係好願出街,所以就留係屋企整包,呢款包整過幾次,所以都無乜難度,繼續用低溫中種,即係將70%筋粉,加水,酵母,少少鹽搓成團後放係雪櫃內發至少16-17個鐘.

將新鮮栗子煲15分鐘後,去殼去衣切粗粒,最後整形時將栗子粒鋪係壓平成長方形麵團上,捲成圓柱體,放入麵包模內,合上模蓋,作最後發酵至8-9成,就可以放入焗爐焗.

焗好出爐嘞..,未頂角所以旁邊係白色.

切開方包,鬆軟到跌哂係度,至於味道嘛,唔太感受到有栗子味,因為我買個隻栗子蓉唔掂,今次旨在清貨用埋佢,預咗唔夠味,麵包就無問題,切咗幾塊俾朋友食,佢話"Good".