一人午餐-改良版菜飯

今日天陰落毛毛雨,真係唔想出街,於是利用屋企有限資源整咗呢個改良版菜飯.

材料有白菜絲,臘腸切粒,浸軟蝦米切粒,冷飯一碗.

首先將臘腸粒爆香,利用爆出嚟嘅油爆蝦米粒,再落薑絲,白菜絲,灑酒,煮一陣,落埋冷飯兜勻,加少少浸蝦米水,將冷飯炒開,最後落麻油,豉油調味就食得嚕.....係咪好容易呢?都幾好味架,如果米飯再硬身啲就好嘞.