首先要準備粉果餡材料,全部都要切碎成細粒,包括有雲耳,沙葛,荀,紅蘿蔔,瘦肉,冬菇,芫茜等.
炒熟餡料攤凍,但最好將豉油碟或且細碗仔放入兜底,先將熟餡放入,咁就可以將水份隔走.
今日貪快,將澄麵/生粉團趁熱搓勻後,就碌薄再用模吸出成粉皮包餡.
將包好嘅粉果排係已掃油碟中,就可以攞去蒸啦,最前面中間個隻有鎖邊就係我媽以前整嘅款,但要化好多時間鎖邊,我祗係將邊禁實就算.
蒸約5分鐘就可以攞出來,再攤凍5分鐘就可以食啦,雖然未必百分之一百似足我媽整嘅味道或樣子,但已了卻我懷舊之情,其實味道都唔差架,唔...都幾好食.
