慈母手中線,女兒身上衣

先知聲明呢件冷衫唔係我織嘅,係我娘親嘅傑作,其實佢都係編織高手,屋企子孫嘅冷衫都係由佢一手包辦,之前我發現呢包花冷買咗係度好耐,但又提唔起勁織,所以要求佢織俾我著,估唔到佢咁神速,2-3個禮拜已經織起,咁我新年就有新衫著嘞,下身襯裙或褲都得,雖然款式簡簡單單,但內裡已包含佢對子女嘅愛意,日後我亦可以作紀念之用.