好簡單嘅材料,將1/3上海粗麵($8/3=$3.7)煮淋,過冷河,隔水後俾少少油撈勻,以防黏埋一舊,豬扒就用刀背啄鬆,用生抽,老抽,糖,胡椒粉,仲有我至愛嘅玫瑰露,麻油(奄尖大少最唔鍾意,覺得肥膩),醃約30分鐘.
首先用猛火煎香豬扒至僅熟,待稍涼切條或塊狀,然後落薑絲炒白菜仔,最後炒上海麵,落埋個獻汁(生抽,老抽,麻油,糖,豆粉,少少水)同之前白菜仔兜勻,就可以上碟,豬扒肉放面,味道都唔錯,拍得住出面嘅味道.
雖然話無咁肥膩,但始終要用油炒,所以間唔中食吓好啦.
成本係一塊豬扒($5)-另一塊留番明日淥湯粉/麵+上海麵1/3份量($3.7)+白菜仔$1($3.3一斤,$10有3斤)=$9.7,但再加煤氣,油,鹽,糖,我唸應該約$13-14左右,計得咁清楚俾大家知,無非想講,有時間如果自己郁吓手,真係價廉物美架.
