水泡包-Bagel

今日試吓整呢個包,上堂時見阿Sir整都唔係幾難,而且幾健康,無油,奶,蛋,祗有筋粉,水,伊士,少許鹽&糖.

同普通搓麵包一樣,用手搓或機打至起薄膜後,發酵至兩倍大,放氣,分割,搓圓,再鬆弛10分鐘左右,用手指係麵團中間鑽一個洞,將佢擴大,另外3 個我捲成花卷形.

然後將麵團放入滾水(已加入少許砂糖)中煮約20秒後,撈起.

分別灑上麥皮,小麥胚芽&黑白芝麻係面,就可以放入焗爐焗啦.

焗咗約20分鐘就出爐.

切開入面就係咁樣,食落係皮脆肉UN,同平時食嘅麵包唔同,中間可以夾餡或搽果醬都得.