藍莓果子凍,係用熱滾水同果凍粉攪拌,或稍煮一陣,直至無粒狀,跟住稍涼後可以倒入啫哩模或布甸杯,而係面放入新鮮藍莓,放入雪櫃雪至凝固就食得,同做啫喱一樣,而果凍嘅比較"煙UN",無啫喱咁稀,我諗小朋友會鍾意食.
另外一款香蕉藍莓鬆餅,將香蕉切片同鮮奶一齊用攪拌機打成蓉,如果想口感好啲,可以一部份打成粗粒狀,而香蕉最好用比較熟有"梅花點",咁就比較有香味同甜啲.
首先將牛油加糖打起,再分數次加入雞蛋,其次倒入牛奶香蕉蓉,最後將已篩嘅麵粉,高筋粉,梳打粉拌至均勻,無粉粒,用匙羹將麵糊放入錫紙兜,面上放上藍莓,就可以放入焗爐焗啦,但因為鬆餅要落好多牛油,所以我自己就絕少整.
