中式包點-金絲卷

繼續唔俾佢停整中式包,咁就唔會浪費買咗本書係度封塵,今日試整呢個金絲卷,其實同銀絲卷分別在於裡面麵條加入蕃薯蓉,變成黃色.

首先將中筋粉加糖,酵母搓勻成光滑團,再一開二,半份加入蕃薯蓉混合.

静置一陣,將蕃薯麵團碌薄再揩成3份,再碌開成長方形,搽上菜油係面,對摺後再搽油,用刀切成條狀,再搽油以免黏貼.

將白麵團如上碌開,摺成3 摺後再碌成長方形,將蕃薯麵條放入,捲成長柱體.

將圓柱體切成等份,放入蒸籠靜置約20分鐘,再放入鑊中連冷水一齊蒸約20分鐘.

今次成績麻麻,因為第一我落多咗蕃薯蓉,麵團好黏手難搓難切,其次蒸火侯,表面唔夠光滑好似豆皮,最後因為祗係加咗酵母發麵團,而無用老麵或中種,所以無咁鬆軟,因此有待改進.