同新火鎗開張-焦糖燉蛋Cream Brulee

今日趁整蝦餅,剩低蛋黃,就同新買火鎗開張,其實已經買咗差唔多有一個月,係經尊尚會買,點知買完之後,先見到有網友發起團購,所以足足貴咗成$100,我都係註定買唔到平野.

其實呢個甜品燉蛋好簡單,我簡化咗啲情序,將忌廉,牛奶,砂糖加埋一齊,用微波爐叮熱至糖溶解,再加入蛋黃攪勻,加少少Vanila香油.再用篩過濾2-3次,就將蛋液倒入布丁杯內.

將1/5滾水倒入焗盤中,布丁杯用錫紙遮住放入焗盤中,焗約30分鐘至熟,攤凍後灑入砂糖,用火鎗燒面至焦糖色脆面就食得lu...好香好軟滑,點解得一杯咁少? 因為膽固醇問題,奄尖大少絕對唔食蛋黃,忌廉,牛油呢啲食物,所以唔駛預佢,不過我自己都應該少食為妙,都唔會成日整.