雜錦包

已經好耐無整過有餡包,因為嫌煮餡料麻煩,又要哂功夫包餡,今日溫故知新,順便清埋之前嘅餡料,所以有咸有甜.

同平時一樣,首先發咗中種,再加主麵團,搓至有薄膜後,就作第一次發酵,跟住排氣/分割/滾圓,再作第二次發酵約15-20分鐘,就將小麵團壓成圓形包餡,作最後發酵至2.5-3倍大,就搽上蛋汁,灑上芝麻,就可以焗嘞.

因為係細包,所以焗約15分鐘度已經可以出爐. 上面5個係洋蔥叉燒餐包,而下面3個係豆沙/蓮蓉包.