首先蛋糕底係用甜鬆酥皮,即係蘋果批皮個隻,不過分別係用一半高筋,一半低筋粉,牛油糖粉要打到鬆起狀態,先好加粉撈勻壓扁成圓形就可以放入冰格雪半個鐘.
而白朱古力餡,就首先要將忌廉芝士同白朱古力分開坐溶,將忌廉芝士打滑身後加砂糖,蛋攪勻,將雲尼那籽加埋入去,再將淡忌廉,白朱古力溶液,橙酒倒埋入去攪至滑身.
將批皮攞出來搓軟身,壓平放入模底,另加圍邊,叉洞係餅底後放入焗爐焗10分鐘,將麵粉掃係餅底洞填平,再將芝士餡倒入,用150度c焗40分鐘度.
攞出來攤凍後餅面淋一層白朱古力醬,再淋一層黑朱古力醬或者劃線條裝飾.
成個餅好甜,我又唔鍾意食白朱古力,應該唔會整.
