又嚟大出血

屋企已經無淡忌廉,芝士忌廉,牛油都用得7788,所以今日出荃灣二記入貨,行得入去,當然唔會淨係買講個幾樣野啦,結果係...買咗呢堆野番屋企,如果唔係太重,可能唔祗買咁少添.

買咗5舊牛油係因為特價加埋會員有多95折,計吓條數唔駛$10一舊,出年5月先到期,肯定用得哂,麵包書係因為有8折加會員95折,所以又買多一本,至於其他野係不知不覺咁掉咗入購物籃內又帶埋走,所以我啲咁無自制嘅人,無事都係唔好行咁多DIY店.

椰汁紅豆糕

我差唔多每個夏天都會整椰汁馬豆糕,因為同事同埋屋企人都鍾意食,不過今次係因為好朋友就快生日,佢鍾意食椰汁糕,所以我改咗用紅豆代替馬豆.

首先將紅豆煲淋,不過要成粒狀,跟住將大菜糕浸軟切碎煲溶,落椰汁,花奶,再加糖煮溶,最後慢慢落已用水開稀嘅鷹粟粉,要不停攪住,見到杰身就要熄火落紅豆/馬豆撈勻,倒落模中,攤凍入雪櫃至硬身就食得嘞.

呢個留俾自己食,不過覺得今次椰汁唔夠濃味,下次都係要用番"快X"牌,好似好啲.