又買咗新玩具-鈉米能量杯

見到報紙賣廣告好耐,但價錢都幾貴,一隻杯最少都要成300幾元,但成效仍然係個謎,當然唔會買嚟試啦,但近日我係淘寶網見到有得賣,而價錢加運費都唔駛100元港紙,於是就買嚟試吓,今日由速遞公司送到屋企嘞.

佢個正式名稱叫做微電解製水器,除咗呢個包裝,外面仲有個卡通箱,用膠紙封實.

打開紅色包裝,裡面就係個杯,其實仲有說明書,保養証,同一隻光碟介紹呢隻杯.

而主要電解作用係靠呢個杯芯,入面有經鈉米技術將生化陶瓷,不同礦石係高溫下提取有用成份融合而成粒子,當將普通水倒入杯中,搖動杯身幾下,再等5分鐘度,咁水會變為弱鹼性,飲咗之後可以中和人身體內過多酸性,但呢個杯芯用一段時間就會無效,要再更換新杯芯,為期好似2-3年.

講真太誇張成效可以不理,祗不過飲鹼性水對身體都有啲幫助啩?所以買咗佢飲一段時間睇吓點先.