士多啤梨蛋糕卷

已經第四次做蛋糕卷,之前3次都失敗,今次用日本棉花蛋糕食譜,再嚟試吓.

首先焗好棉花蛋糕,因為爐細火猛,所以要降低爐溫焗,總算OK.

倒扣攤至微涼就搽上打好嘅士多啤梨忌廉.

跟住用牛油紙捲實雪凍,今次無爆裂,但係解開後,發覺士多啤梨忌廉溶解唔見哂,真係唔知攪乜?

所以今次係成功咗一半,但仍需研究甜忌廉點解變成咁?同埋要減糖,覺得甜咗啲.