班蘭KAYA醬

我幾鍾意KAYA醬香味,以前細個時會用楊協成出鐵罐裝KAYA醬搽麵包,係網友蜜蜜睇到可以自製斑蘭KAYA醬,於是自己又試吓做.

材料有斑蘭葉一札(約65g),椰汁細罐,我改用椰糖會多啲椰子香味,雞蛋,馬蹄粉少量等.

將斑蘭葉剪碎同椰汁一齊用攪拌機打爛隔渣.

再將椰糖,雞蛋,馬蹄粉加入斑蘭椰汁中,隔熱水攪至椰糖溶解,過篩,開慢火煮至杰身,熄火.

呢個時候KAYA醬相當粗鞋,有好多顆粒,攤凍後要再放入攪拌機打滑.

然後放入已經消毒玻璃樽,我做咗食譜一半份量,但唔止一樽,另外有一細膠盒添,試味後香味好濃郁同埋無街賣咁甜,正...

顏色比較深係因為椰糖關係,但無損味道.