自製蝦漢堡

食過麥記出嘅蝦漢堡,但好少蝦肉,又無乜蝦味,所以今日自己試吓DIY.

將急凍蝦仁解凍,索乾水份,用刀背拍爛,加調味料,攪拌至起膠,再撻數十下,放入雪櫃雪硬身.

用手將蝦膠搓成圓餅狀,放入煎pan煎熟.

將麵包一開二,放上生菜絲,沙律醬,蝦餅.

夾埋就食得,切開睇吓蝦餅同麵包一樣咁厚,但由於唔係新鮮蝦,所以味道無咁鮮甜,但一定好過麥記,因為真材實料嘛.