趁墟唔成,仍有斬獲

上個禮拜已經知道Le Crueset開倉大減價,今日約咗朋友食晏,諗住順便去銅鑼灣睇吓,有無野啱買？點知今朝10點45分左右去到,已經有成70人排隊,要每15分鐘先放8-10個人入去,計過至少要排個半鐘或以上,肯定超過約會時間,所以排咗20分鐘度已經放棄,咁就無聊去行SOGO消磨時間,上到7樓家庭用品部,見到Le Crueset Counter有一套４件矽膠刮（大，中，細碼加油掃），做特價折咗約６折左右，佢註明可以抵受高溫至攝氏４２５度，二話不說，揀齊同一顏色即買。

跟住再上９樓特價場，買埋呢把日本出防ＵＶ太陽傘，雖然價錢貴過出面，但無論傘骨，線口都耐用好多，所以都要買番一把放係手袋。