再嚟冰皮月餅

因為之前幫朋友煮麻蓉饀,剩低嘅就做多一次冰皮月餅,明日攞去孝敬我娘親,順便試吓用新月餅模.

通常木模買番嚟之後,最好用油搽勻,再放係陰涼地方風乾2-3日,然後用水洗乾淨再風乾先用,咁模就唔會咁容易爆裂,同埋甩模會好啲.

熟手技工,好快就包完,可惜今次焗燶咗麵粉,所以皮比較黃,但都無影響食味.

切開睇吓,算係皮薄餡多啩?但我就覺得冰皮甜啲,下次要減糖.