虎皮蛋糕卷

今日跟書食譜試吓整虎皮蛋糕卷.

首先用戚風蛋糕方法焗好蛋糕體,倒扣攤涼,將預先煮好嘅吉士檸檬醬搽係蛋糕面,捲實,用焗爐紙包好,放入雪櫃內雪至硬身.

然後將蛋黃,糖打至奶白色,加入少許粟粉攪勻,倒入焗盤中焗至金黃色.

虎皮攤涼後搽上一層吉士檸檬醬,包住已經雪硬身蛋糕卷,然後用焗爐紙捲好,放入雪櫃再雪至硬身,就可以切一塊塊食.

試味後蛋糕好軟熟,吉士檸檬醬味道都好清新,但由於爐火問題,蛋糕一捲就裂,唔通細爐真係唔可以焗蛋糕卷?要再諗吓點先可以征服呢個難題.