藍莓乾車輪包-低溫發酵

前幾日同朋友上深圳廚安居,買咗個"哎呀"車輪包模,唔係正宗個隻,即係兩個半模合埋個種,今日就試吓用佢整車輪包.

麵團係早一日打好,放落雪櫃至今朝攞出嚟解凍,回溫後碌平捲成圓柱體放入模內作最後發酵,用文件夾夾住兩邊.

發至8-9成滿,就可以入爐焗,焗約30分鐘左右,就可以出爐開蓋.

攤涼後切開,今次早咗放藍莓乾入麵團內,所以攪到顏色比較瘀藍,但麵包都好鬆軟,之不過我仍然感覺好似低溫中種發酵好啲.