蒸雞蛋糕

我自己就唔鍾意食蒸雞蛋糕,嫌有雞蛋腥味,又唔香,但我阿媽鍾意食,所以試吓自己整嚟孝敬佢.

好似整海綿蛋糕咁,首先將全蛋加糖坐暖水打至杰身,同埋淡色,加奶再將過篩麵粉,泡打粉加入拌勻,最後落少少芥花籽油撈勻,放入模中,蒸約20分鐘就可以熄火攤凍.

我覺得氣孔好似粗啲.

剝開圍邊紙後就係咁樣.

切開睇吓都算OK,不過下次會再減糖,我諗麵粉份量都會再減啲,因為覺得蛋糕實咗啲.