鳥結糖主要用呢隻粟膠加牛油,砂糖煮溶至120度.
跟住用另外一個鐵兜打起蛋白加糖,當粟膠糖漿煮好後,倒入蛋白內,加入已焗香成粒杏仁,快手攪勻,倒入已鋪焗爐紙嘅平底盤內,再蓋上另一張焗爐紙,用手壓平糖漿,再用另外一個平底爐壓上糖漿面,令糖漿更加平均. 攤凍後,用刀切條長條狀,再切細塊,用米紙包完後,外面再包一張顏色玻璃紙.
食落唔係好甜,杏仁好香口,不過糖比較軟身,我自己鍾意食硬糖多啲,我都幾鍾意食鳥結糖,但係都唔好DIY,如果唔係我會食到唔停口,咁就慘嚕...
至於甘荀提子鬆餅,首先要將紅蘿蔔去皮刨絲,乾提子切條,牛油加糖打至鬆發後,分數次加入蛋,最後加入奶,自發粉,甘荀絲,提子乾撈勻,就放入紙模內.
好快焗熟就可以出爐嘞...不過味道較為平淡啲,如果我整會用香蕉合桃,會好食好多.
