2010年第一炮-金絲捲

雖然遲咗啲,仍然係呢度恭祝各位網友新年快樂!寫多啲Blog同大家分享.

至於我自己由聖誕節到2010年新年都無特別整啲應節食物慶祝,因為並無去參加任何慶祝聚會,或約朋友慶祝,祗係好安靜地渡過呢兩個節日而已.

唔知係咪天氣影響?每日天色都係陰陰沉沉,或者落住毛毛細雨,所以連街都唔想出,今日為咗解決剩餘BBQ嘅燒蕃薯,決定整咗呢個中式嘅金絲捲.

主要將一部份麵團同蕃薯蓉搓勻,再切絲,而外面則用白麵皮包實捲成圓柱體,再切等份.

蒸好後就係咁樣,而家無用兩次發酵法,所以表面好似平滑好多,至於蕃薯味就無乜,但仍然好鬆軟好食.