於是根據佢提供熱線電話,接聽個位熱線客戶服務員一味重複強調自2009年3月已開始徵收,至於根據乜野標準去定所謂偏遠地區,又解釋唔到,真係越講越勞氣,我都費事再哂氣同佢講,要求搵佢上司直接反影,接聽嘅上司,話係客戶經理,講野態度同語氣當然好啲,但仍然無交待同點解要收,祗係話係佢哋網站有講明,並且暗示買家自己應該查清楚.
但我想試問買家上網買野?最多係同賣家講明運費,有幾個會去相關速遞公司網站查有無再收附加費?而且唔係香港境內,應該界定為境外,但點解一入到香港,彈丸之地,一個鐘以內車程,再要收多$20? 最攪笑係話自己係經理個職員,竟然話無權批準豁免. 最後我都費事再同佢講落去,我祗係要佢記低我嘅投訴,同埋將貨退回賣家,我將決定告知賣家後,佢又要求我收貨,寧願佢哋俾附加費,真係好唔想益呢間速遞公司,
事後再上呢間速遞公司睇清楚,竟然發覺佢哋唔知係咪俾人閙得多,改咗個名目叫做"特別地區附加費",無論收件或附件人都要俾,而幾乎全香港地區,除九龍外,全部都要收,你話係咪取巧呀?
我寫出嚟除咗勞氣外,仲想提醒各位上淘寶網買野網友要留意,否則就好似我咁激氣.
你哋有興趣就去參考吓喇:
http://hk.sf-express.com/tabid/165/InfoID/1141/Default.aspx
呢間咁嘅速遞公司下晝仲離譜,當賣家肯幫我俾$20附加費後,個速遙員再送貨嚟,竟然唔俾我拆開驗貨,要簽收先得,我即刻唔簽,叫佢攞番走,後來我同賣家講要取消交易,佢又再幫我聯繫番呢間野,應承俾我驗貨,你話係咪激死人.
咁我又無聽過喎！一般去掏寶我都係托我姑仔幫我訂嘅，我未試過自己買呀！乜原來有呢D附加費架，真係要小心喇！
回覆刪除[版主回覆01/26/2010 14:52:00]係呀,我自己上淘竇網買野都有好幾次,我都係第一次俾完運費仲要係香港再收多一次附加費咋.
你講緊個間緊係順豐呢，我上星期都係淘寶買完野用順豐寄落嚟，但件貨已經成3.5KG是計4KG運費$68，所以為省附加費就打電話去快遞公司轉自取件去佢地既區域自取中心拎件咁就可以省個$20啦，因為特別附加費就係代表不在工業區內的地址，其實有好多間快遞公司都要收附加費架，例如:中通、圓通、申通、速爾、越豐、信豐等等快遞公司，有時附加費連賣家都唔知架，要到香港送件先會知呢，所以如果近自取中心可以選擇自取架~~
回覆刪除[版主回覆01/26/2010 16:00:00]咁呢啲咁快遞公司,我覺得應該係淘寶網上註明,咁買家可以決定點做,而唔應該貨到香港先講要收乜費物費,我知香港境內速遞公司都有咁嘅收費,但估唔到境外寄嚟香港都要收,我之前係淘寶網買過幾次野,都未有咁嘅情形,如果咁點解唔直情加埋運費裡面,直情係取巧.
淘寶網只係平台，快遞公司係冇註明價錢架，D價錢都係D賣家入落去，真實價格都係要清楚問賣家或上有關快遞公司網查價錢，有D賣家仲唔比運費到付，可能連D運費佢地都要賺一筆呀，運費到付比港幣好過比人仔啦，因為計落港幣平D呀嗎，其實呢Ｄ附加費係兩年前我開始去淘寶買野時已有架啦，最貴個次成$50添，但都要接受架啦，鬼叫冇辦公地址咩。
回覆刪除[版主回覆01/26/2010 18:23:00]對唔住,無理收費我唔會接受,又唔係得佢呢間公司,我會向有關方面投訴佢哋無理收取附加費,又唔準收件人即時驗貨,離哂譜.