2010年2月19日 星期五

麥包-麵包機

自從舊曆年前蒸完N底糕後,已經有好耐無自製任何食品,因為要清咗啲糕先,其次天氣太凍,成日都唔想郁,做完之後洗碗碟,更加凍,自來水好似冰水咁.

卒之今日見到啲糕已經清得7788,所以去整麵包嘞,但為咗唔想洗咁多工具,所以就搬出麵包機代勞,仍然用低溫中種法.


由於麵包機唔可以較爐溫,所以焗出嚟比較深色.




加上麵包機發熱線係環繞旁邊,唔係上,下面,所以麵包四周比較燶,食之前要批皮先得.




切開後麵包組織都OK,當然無自己搓麵團,發酵同用焗爐焗咁好,但就乾手淨腳,放哂材料入去就攪掂,勉強食埋呢幾日,等天氣無咁凍先再搓包.




3 則留言:

  1. 我都想買番黎玩.......好唔好用呀
    [版主回覆02/20/2010 10:57:00]如果完全唔識整麵包,都算幾方便,祗要跟住食譜份量將所有材料放在兜裡面,較好你要求麵包種類,一按掣,就全部自動化,但係因為無落麵包膨脹劑,所以出爐後要盡快食完,否則過咗一日後就會好硬.

    回覆刪除
  2. 貓公主- 賴小姐2010年2月21日 中午12:15

    真係幾方便呀! 我去學整麵包, 搓粉都搓都手軟, 又要抵制發烤過程, 所以無係屋企整過
    [版主回覆02/21/2010 14:49:00]係就係幾方便,不過唔好祈望好似用手搓咁軟熟,同埋好容易老化(變硬).

    回覆刪除
  3. 好方便呀.....唔緊要啦..都係捱住呢幾日姐,老實講洗野時真係想死架,凍到入心 >,<

    回覆刪除