佳節精選課程-第七課-甘荀菜肉水餃&水餃皮

新年過後,又恢復上烹飪堂,今日教嘅菜肉水餃,自己平時係屋企都會包,但特別之處係教埋做水餃皮,仲加埋甘荀汁,特別健康啲,顏色都靚啲.

水餃皮主要用麵粉,鹽,水搓成麵團,切開數大塊,再搓成圓柱體,切等份一粒粒,用棍碌薄成水餃皮,但都幾哂工夫時間,要逐塊碌薄

至於餡料,其實視乎各人口味,可以全素,或加免治豬肉,今日嘅餡料包括已經拖水椰菜,甘荀,木耳,全部切絲,最後加調味,薑蔥汁等撈勻,用水煮熟水餃後再放入另一鑊已加入麻油滾水中,除咗可以增加香味,最主要係餃子唔會黏埋一齊.

呢碟係甘荀菜肉水餃.

呢碟係俾食素同學,餡料無加肉,至於試食後,就覺得水餃皮比出面街買現成嘅煙韌,好食啲.如果自己整要多啲人食會好啲,一個人就唔好哂咁多功夫囉.