七彩腰果炒雞丁,首先將腰果放落已經加咗砂糖滾水中,滾2分鐘,撈起索乾水份,再放入暖油內炸至金黃色,隔去油份,灑上少許海鹽備用.
將3色椒,洋蔥,沙葛或馬蹄,菜脯切粒,雞脾肉切粒稍為醃下再走嫩油,然後燒熱鑊,爆香薑茸,乾蔥茸,洋蔥粒,將所有菜粒加入炒勻贊酒,將雞脾肉粒回鑊,落調味料兜勻,上碟後撤上腰果就完成.
準備各種材料
而荔芋春卷,就首先要將芋頭去皮切大塊,隔水蒸淋,而鹹蛋黃亦一齊蒸熟,全部壓爛成茸,免治豬肉加入調味醃一陣,加埋蔥粒,芫茜炒熟同芋茸,鹹蛋黃茸撈勻成餡料,用春卷皮包起落鑊炸,初期用中火炸至浮起變金黃色,撈起再開大火回鑊炸一陣,將油迫出,索乾油份上碟就食得喇.
手震影得麻麻.
春卷即炸即食,熱辣辣當然好味,但都好熱氣,所以我食咗一條,就放棄權利,讓俾其他同學食,而腰果炒雞丁,味道幾好,祗係切粒粒功夫較多,嫌麻煩可以用雜菜粒代替三色椒.
沒有留言:
張貼留言