蝦子冬荀,首先要將新鮮冬荀去殼削外層厚皮,底部亦要切去硬塊,所以實際可以食唔太多,之後將冬荀切塊出水約4-5分鐘,再索乾水份,走油炸至略為金黃色,而蝦子用白鑊慢火炒香灑上冬荀,再炒勻就完成.
由於淨係靠蝦子味道,所以比較淡,我諗自己整機會不大,因為我最怕走油,好肥膩.
百花釀冬菇,首先要將乾冬菇浸軟去蒂,用生粉洗去表面污穢,用糖,蠔油撈勻蒸約20分鐘, 鮮蝦去殼,腸後,用布吸乾水份,放入雪櫃雪一陣,攞出嚟用刀背拍爛,加調味攪勻後,再用力摔在碗中至有彈性,抹生粉於冬菇裡面,將蝦膠釀入.
蒸熟後淋入上湯汁液.灑上蔥花就完成,呢款菜色比較清淡,味道唔錯.
沒有留言:
張貼留言