新鮮出爐熱辣辣雞批

整呢個雞批係因為上禮拜上完堂將剩餘批皮帶走,另外今日約朋友見面,趁此好機會梗係快啲整咗,唔好哂材料.

我早一日已經煮定雞批餡,放入雪櫃雪至比較硬身,又將批皮攞落雪櫃下格回軟.

包好雞批,掃蛋汁,叉洞,劃花紋.

將剩餘枇皮整曲奇餅,可惜無睇火,結果變炭,掉咗落垃圾桶.

焗好出爐嚕...但個焗爐火侯唔係咁好,所以上色麻麻,我諗應該中途再掃多一次蛋汁,會比較金黃,但應該仍然好好味,好鬆脆.我祗係留一個俾自己,其他送哂俾朋友食.