桂花燻蛋,主要用鴨蛋,煲蛋/焗蛋時間掌握好重要,會令到蛋黃是否會流出,冷凍後剝蛋殼,好晶瑩剔透.
將桂花,黃砂糖放係已鋪錫紙鑊上,再擺架係上面,將蛋排好,要有啲距離,令整隻蛋可以煙燻到.
初時要大火,直至出煙就轉細火.轉眼間蛋已煙燻成金黃色.
切開睇吓全部都流黃,食落好軟滑,不過稍嫌淡味啲.
另一菜色粟米魚肚羹,將魚尾煎香煲成魚湯,原條粟米蒸熟後,用刀將粟米粒切出,用攪拌機打成粟米茸,魚肚浸軟身後,用薑,蔥,酒滾水拖水後,將魚肚切粒,同埋粟米茸放入魚湯中,開馬蹄粉水,慢慢攪至均勻,最後將蛋打散,加入成蛋花就完成.
粟米魚肚羹,味道好清新,幾好飲,過程又唔複雜,值得係屋企自己整,如果嫌整粟米茸麻煩,可以買罐頭粟米茸,同埋雞湯代替煲魚湯.
沒有留言:
張貼留言