近期DIY護膚品

之前用不同乾花浸嘅萃取液已經開以用得,所以做咗以下幾款護膚品,將以前買落個啲開始拋棄唔再用,希望皮膚早日健康,唔駛再俾不知名化學物料侵蝕.

呢款係用玫瑰花水加薰衣草萃取油,尿囊素,Vita E,薰衣草精油,乳化蜜臘加熱攪拌而成,不過真係攪到手軟,需時要攪15-20分鐘.

大盒自己用,細盒就送俾朋友.

除咗面霜外,仲做咗左邊個樽防曬乳液,用玫瑰花水,海洋深層礦泉水,荷荷芭油,保濕因子,海藻防曬萃取,玻尿酸,薰衣草精油,簡易乳化劑攪拌而成.

中間個樽係柔膚水,主要成份有訰水,茉莉玫瑰花萃取,膠原蛋白,玻尿酸混合而成.