併布-自己做第一件作品 証件袋

已經上咗4堂,終於好艱辛咁完成咗第一件作品,就係呢個証件袋,原來併布係好哂功夫同時間,如果唔係我本身對裁剪都識啲,加埋有時間,我諗真係要學多兩堂先可以完成.

呢個併布圖案,本來係一個花籃,但第一堂導師祗係派紙樣,又無實物,又無相片參考,結果胡亂剪花布片縫埋,知道時已經全部縫好哂,又唔想再重做,所以就變成呢個不知所謂圖案出嚟,真係有啲無奈.

裡面有不同暗格,用作插証件或卡.

攤開前後就係咁款,我諗唔會真係攞嚟用,祗係留為將來做記念品算嘞.