懶人做麵包-免搓咖啡合桃麵包卷

好耐都無做過免搓包,之前做過,覺得麵包好煙韌,口感唔係好似麵包,所以試完後就無做過,近日係網上見到呢個食譜,話麵包組織好鬆軟,所以又再試做.

首先將麵包材料撈勻成一個麵團,因為水份,蛋,油加埋液體成84%以上,所以好黏手,唔可以用手搓,祗可以用湯匙,或餐刀,將材料混合,將麵團放入已搽油保鮮袋包好,放入雪櫃一日,第二日再攞出嚟,將麵團拍成長方形,要落多啲手粉,搽上咖啡液,灑上烘香合桃碎捲起,再打直對半切開,頂部不切開,扭成麻花狀,最後發酵30分鐘,灑上筋粉係面,就可以焗喇.

稍為攤凍後,切開試食,果然真係好鬆軟喎,都幾好,以後想懶就可以用呢個方法嚕.....