又嚟包粽

再包多次粽原因係上次端午節包完粽後,有剩低啲材料,所以就再買啲補充夠包多一次,一來可以練習多啲,二來將烚熟嘅粽放係雪格冷藏,要食嘅時候,攞出嚟放入滾水中焗一陣,解開粽葉就食得,一隻可以當一餐晏晝,真係乾手淨腳,雖然預備包粽工夫比較麻煩.

今次包咗13隻,其中4隻包俾奄尖大少食走"咸蛋黃".

今日晏晝就解一隻嚟試食先,今次比較好味啲,因為上次睇錯落鹽份量撈糯米,落少咗,所以淡口啲,希望出年包粽包得靚仔啲,今次俾奸商瞞騙,將細塊粽葉夾係中間,結果好多都因為太細唔用得,真係激死人.