香蕉合桃包&熱狗包

今日焗咗兩款包, 分別有香蕉合桃包&熱狗包.

香蕉合桃包主要將香蕉壓爛成茸加入麵團一齊搓勻,完成發酵程序後將已經焗香合桃壓碎捲入麵團中,再將麵團橫切一開二,不過唔好切斷,切口反向上,最後發酵完之後就可以焗喇.

切開試食後,,麵包雖然軟熟好食,但香蕉味唔太濃,下次要加大香蕉茸份量至得.

至於為乜要焗熱狗包? 原因係之前見到超市賣呢款珍寶熱狗腸特價,所以買咗一包,但街出面賣嘅熱狗包真係唔掂,好似食棉花咁,所以就順便自製熱狗包用嚟夾熱狗腸食.