首烏艾草分層洗髮皂

由於開始慢慢習慣用人工皂洗頭,於是前兩日開工做洗髮皂俾自己用,油份有椰子油,棕櫚油,蓖麻油,茶花籽油,添加物有首烏粉和艾草粉,今次試吓做分層,仍然全程用手打,約20分鐘後已經trace夠杰身，將1/3皂液同首烏粉混合，另外1/3同艾草粉混合，再逐層倒入模內。

今日可以切皂，但甩模時好淋身，下次應該再等多兩日應該會硬身啲。

個樣係咪好似黑白朱古力呢？可惜艾草粉同首烏粉都係深色，所以層次唔得明顯，應該將原皂液夾係中間層，出吁嚟效果會明顯啲。

用波浪切刀切花紋，好期待試吓好唔好用？　不過要等４－６星期先可以用，真係等到頸都長埋。