一年一度又去行工展會

今日趁約咗朋友係銅鑼灣食晏,順便又去行吓工展會,今次由銅鑼灣方向入,天后方向出,首先當然要買入場卷喇,可能係平日關係,基本上唔駛排隊,就買到.

門票+指南,裡面有唔同優待卷,但我都無用過.

咁跟住就即刻入去開始遊蕩.

入咗門口右手邊係食品區,有好多唔同種類零食,但估唔到平日都咁多人,簡直塞到水洩不通,行都行唔到,於是急急忙忙買咗自己想買嘅野,就即刻離開個區.

我祗係走馬看花,又唔想攞太重糧油食品,買咗幾樣野就由天后個面出番去嘞,前後都行咗一個鐘有多架.

睇吓我買咗啲乜野番嚟? 包括有無縫橡木枮板,蝦米,蠔豉,泰國札肉5條,亞麻籽兩包,楊枝甘露,因為口渴,所以買咗兩枝,即刻已經飲咗一枝,雖然好似買咗好少野,但係計吓數已經駛咗成$7XX,所以我都係留番係屋企上網好啲喇....