栗子蛋糕卷

呢排頻頻用栗子整野食,焗麵包,栗子炆雞,今日又整栗子蛋糕卷,原因有人傻咗.買咗3磅栗子番嚟,為咗要消耗哂,祗好諗不同食譜,用哂為止.

其實整栗子蓉都幾麻煩,用好多功夫,唯一係價錢平,比起係烘焙店買嘅栗子蓉罐頭,蛋糕體就用65度熨麵分蛋法,即係將牛油,牛奶加熱至65度,加入己打發好蛋黃,砂糖內,最後混入麵粉,粟粉,再溝埋打至企身蛋白混合.

好開心呀,捲完後蛋糕無裂開喎,主要係蛋糕體夠軟熟.

切開入面都OK,連平時唔like食蛋糕奄尖大少都一口氣食咗3件,真係捧場,証明好食喇.