麥包-麵包機

自從舊曆年前蒸完N底糕後,已經有好耐無自製任何食品,因為要清咗啲糕先,其次天氣太凍,成日都唔想郁,做完之後洗碗碟,更加凍,自來水好似冰水咁.

卒之今日見到啲糕已經清得7788,所以去整麵包嘞,但為咗唔想洗咁多工具,所以就搬出麵包機代勞,仍然用低溫中種法.

由於麵包機唔可以較爐溫,所以焗出嚟比較深色.

加上麵包機發熱線係環繞旁邊,唔係上,下面,所以麵包四周比較燶,食之前要批皮先得.

切開後麵包組織都OK,當然無自己搓麵團,發酵同用焗爐焗咁好,但就乾手淨腳,放哂材料入去就攪掂,勉強食埋呢幾日,等天氣無咁凍先再搓包.