成功自製燒腩肉

好耐之前曾經焗過一次燒肉,但皮完全唔脆,之後都就無再整過,但見到好多網友都成功做到,於是又想再嘗試整吓,昨日去街市買咗舊比較正方形腩肉,洗淨出水後,搽上醃料同酒,放係雪櫃一晚,抽乾水份,今朝再攞出嚟吊咗8個鐘,再用粗鹽蓋實豬皮面,旁邊用錫紙圍邊,焗約50分鐘,將鹽塊/錫紙除去,繼續焗至皮脆為止,其間要攞出嚟用豬插均勻再插豬皮.

睇吓呢舊就係焗完出爐嘅燒腩嘞,望落都唔錯啩?

由奄尖大少手起刀落斬大舊燒肉,未到開飯兩個已經食咗一半有多,真係皮脆肉滑,自家製用新鮮豬肉,寧舍不同.