炆-叉燒

我從來整叉燒都係用焗爐焗,焗完之後肉會較為乾身,見到靚靚媽咪話可以用鑊煮乾水份都得,難得有高人指點,梗係要跟吓喇.

今日買咗舊梅頭廋肉,飛走豬皮同肥膏,醃,咗約4個鐘,加水片糖,冰糖,煮至汁變杰身,好似糖膠,就熄火,撈起叉燒攤凍.

攤凍後就切件上碟,淋些少叉燒汁就可以開餐嚕....味道同焗出嚟差不多,不過無咁乾身,呢個方法真係幾好,唔駛專登開焗爐,仲要成日將叉燒翻身,大家有時間不妨試吓.