杏仁吉士牛奶包

今次麵包係用咗北海道牛奶方包食譜再加老麵(100g),而為咗唔想咁單調,又做咗個加杏仁粉嘅吉士醬做餡料.

麵團發酵好後,分成等份,將小麵團搓成長條形,包入杏仁吉士醬,然後打結而成,作最後發酵.

留心睇火,適當時候蓋上錫紙遮面,終於係小心看護下出爐嚕....

攤凍後切開試吓先,麵包軟熟加埋有杏仁香味又唔太甜吉士醬,好好味呀!