行深水埗有收穫

因為近期去學拼布同埋口金,所以趁今日去開旺角.順便去埋深水埗,睇吓有無材料啱買,由深水埗地鐵站A2出口,沿北河街行去汝州街,基隆街一帶,非常多店舖,真係花多眼亂,結果行咗差不多兩個幾鐘,買咗以下呢堆野.

包括有4塊布(一碼一塊),兩個線轆,5條拉錬,一埋裝飾木公仔,一包花鈕,,幾條織帶,棉繩, 但都係用咗百幾元,都算好底買.

其中最貴係呢啲有顏色嘅木公仔裝飾,要成$8一個.

最底就係呢5條拉錬,$3有5條,真係平到笑.

仲有呢包花鈕,一"箕"買$16,有成14X粒,7-8種顏色,平均一毫子多啲,我一個人用唔哂,諗住上堂時,讓啲俾同學仔.