紅蘿蔔方包

今日一口角氣做咗兩條方包,因為之前應承咗朋友請佢食包,另一條留番俾自己做早餐,自己有份食梗係要健康啲,今次用咗紅蘿蔔,一半打成茸,撈埋落麵粉搓,一半刨粗絲放埋入麵團中,咁焗出嚟又有顏色,又見到紅蘿蔔絲一條條嘞,仍然用低溫中種發酵,但可能紅蘿蔔茸同埋絲水份較多,結果麵團勁黏手,如果唔係用麵包攪拌機,肯定搓唔掂.

切開麵包組織都好軟熟,希望朋友鍾意食喇.